केही मधेश केन्द्रित दलका नेताहरुले भारतीय विदेशमन्त्री सुष्मा स्वराज समक्ष आफूहरु नेपालमा दोस्रो दर्जाको नागरिक भएको भनी दिएको अभिव्यक्तिबारे व्यवस्थापिका संसदमा प्रश्न उठेको छ । सत्तारुढ नेपाली कांग्रेसका सभासद रामहरी खतिवडाले त्यस्तो अभिव्यक्ति दिने व्यक्ति नेपाली हुन नसक्ने बताउनुभयो ।
सभासद खतिवडाले विदेशीसामु झुकेर नेपालमा हस्तक्षेप गरिदेऊ भन्नु, आफूहरु दोस्रा दर्जाको नागरिक भएको भन्नु राष्ट्रघाती मानसिकताको उपज हो भन्नुभयो ।
भारतीय विदेश मन्त्रीसँगको सामुहिक भेटमा जे कुरा उहाँहरुले राख्नुभएको छ त्यसले नेपालीको शीर निहुराएको खतिवडाले बताउनुभयो ।
