चोरीको बोलेरो जिप सहित पक्राउ परेका एक भारतिय सहित तीन जनालाई काकडभिट्टा प्रहरीले विहिबार सार्वजनिक गरेको छ । पक्राउ पर्नेहरुमा भारत सिलगडीका सुबास राय, बेलबारी ३ का सुरेन्द्र रणपहेली र कैलाली टिकापुर ८ का लक्ष्मण सेठी रहेका छन् ।
गत साउन गत साउन ५ गते झापा मेची नगरपालिका १० स्थित रामकृष्ण शर्माको घर अगाडी पार्किङ गरेको एस के ०३ पि ००१० नम्बर बोलेरो जीप लिएर उनीहरु फरार भएका थिए । उनीहरुलाई प्रहरीले जीप सहित मोरङको बेलबारीमा बुधबार पक्राउ गरेको थियो ।
जीप चोरेर उनीहरुले बा १ च ३९४८ नम्बरको जाली नम्बर प्लेट समेत चलाएर पश्चिमतर्फ लैजान लागेको अवस्थामा पक्राउ गरिएको प्रहरीले जनाएको छ ।
प्रहरीले जीप सहित पक्राउ परेका राय र रणपहेलीसंग गरेको बयान पश्चात लक्ष्मण सेठीलाइ पनि पक्राउ गरेको हो । पक्राउ परेका तिनै जनालाई इलाका प्रहरी कार्यालय काकडभिट्टाबाट चोरी अन्तरगत मुद्दा चलाइएको छ ।
सुरेश घिमिरे
इटहरी,
